Kuarahy mimbi haku asyetéva,
ndejopimimíva ijehesapépe naimbojojahái,
ndaipóri ndeichagua.

Guaraní ñe'ë he'ë asyetéva, tapicha
jurúgui ñahendu iñasäi, Ñahendu
jave nemokyre'ÿva ha ombohory angirü aty,
ndaipóri ndeichagua.....

Mitä rusueta ku opaichaguáva
ovy'a joa oñemongeta, oñemboharái,
oñopytyvö ha osapukái,
ndaipóri ndeichagua.

Hakuve jave amo yvyraguýpe
lo angirü kuéra oñembyatypa,
Ñemongetarä na'ipore`ÿi chéne
osëma katu kuña rehegua,
Che mbokichiha pukavyrory,
ku'a saino'i resa yvoty,
Ndaipóri ndeichagua.

Mitá kuñanguéra resa kuarahy,
korasö potï, rova tupasy,
ndaipóri ndeichagua.

Sy ha túva kuéra tekopotïha,
jepy'apy pa'üme oha'ä ombohasa
iñemoñarépe jeikove porä,
ndaipóri ndechagua.

Ñande jerekuévo
mitangueraita oñemboharái,
oï omba'apóva hova ñembyasy,
tapére oguata imba'erä oheka,
ndaipóri ndeichagua.

Ogapy poräme ku ñemongeta,
joayhu añete, ñepytyvömba,
néike chera`y, néike che
memby ndekatupyrýva,
ndaipóri ndeichagua.

Pyhare jave ñasaindy rendýpe,
óga renondépe pytu'u renda,
ko ñemongeta tembiapo pyrére,
ha he'i ojupe ko'ëro guarä,
ndaipóri ndeichagua.

Aty guasu hápe jejotopapa
ñomongetave vy'áko oï,
Pukapa joa ha ñeporändu
huláno ndoúi mba'épa oikomi,
ndaipóri ndeichagua.

Paraguaipegua yvypóra kuéra,
Tupä Ñandejára rapykuerigua,
Ikorasöitégui ko omombe'úrö
he'i hapichápe Tupäko tuicha,
ndaipóri ndeichagua.

Paraguái che yvy neporä ndajéva
hi'äite nga'u ndepyahu
jevy, nepotï mbaite ha repukavy,
kuarahy resëicha remimbi asy,
ndaipóri voínte ndeichagua tetä.

Wualvino Ramón Cáceres